घराच्या छतावर सौरऊर्जा प्रकल्प बसवा, मोफत वीज मिळवा!....

Spread the love

गडचिरोली विदर्भ न्यूज 24 नेटवर्क दिनांक:-17/03/2025

केंद्र सरकारच्या ‘पीएम सूर्यघर मोफत वीज योजना’अंतर्गत घराच्या छतावर सौरऊर्जा प्रकल्प बसवण्यासाठी मोठ्या प्रमाणात अनुदान देण्यात येत आहे. नागरिकांनी या योजनेचा लाभ घ्यावा, असे आवाहन जिल्हाधिकारी अविश्यांत पंडा यांनी केले आहे.

सौरऊर्जा प्रकल्प एकदा बसवल्यास 25 ते 30 वर्षांपर्यंत वीज निर्मिती करता येते. एक किलोवॅट सौर प्रकल्पासाठी सुमारे 60 ते 70 हजार रुपये खर्च येतो. त्यासाठी केंद्र सरकारकडून 30 हजार रुपयांपर्यंत अनुदान देण्यात येणार आहे. याशिवाय, बँकांकडून कर्ज सुविधा देखील उपलब्ध आहे. त्यामुळे आर्थिकदृष्ट्या कमजोर असलेल्या नागरिकांनाही ही योजना सहज लाभदायक ठरणार आहे.

योजनेतील अनुदानाची रचना:

1 किलोवॅट प्रकल्पासाठी: ₹30,000 अनुदान

2 किलोवॅट प्रकल्पासाठी: ₹60,000 अनुदान

3 किलोवॅट प्रकल्पासाठी: ₹78,000 अनुदान

#Celebration जिल्हाधिकारी पंडा यांनी पीएम सूर्यघर योजना, कुसुम-बी सौर कृषी पंप योजना आणि मागेल त्याला सौर कृषी पंप योजना या योजनांचा आढावा घेतला. यावेळी महाराष्ट्र राज्य वीज वितरण कंपनीचे अधीक्षक अभियंता प्रकाश खांडेकर आणि कार्यकारी अभियंता सचिन कोहाड उपस्थित होते. त्यांनी सौरऊर्जा प्रकल्पांच्या तांत्रिक बाबी आणि अनुदान प्रक्रियेची सविस्तर माहिती दिली.

अर्ज करण्याची प्रक्रिया:

1️⃣ ऑनलाइन नोंदणी: अधिकृत संकेतस्थळावर (www.pmsuryaghar.gov.in) अर्ज भरावा.
2️⃣ दस्तऐवज अपलोड: वीज बिल, मालमत्तेचा पुरावा आणि ओळखपत्र आवश्यक.
3️⃣ पडताळणी व मंजुरी: पात्र अर्जदारांना अनुदान मंजूर.
4️⃣ सौर प्रकल्प बसवणे: अधिकृत एजन्सीद्वारे सौरऊर्जा प्रणाली बसवली जाईल.

संपर्क: