‘नव्या गडचिरोली’चं दर्शन – सामान्य नागरिकांच्या नजरेतून! कवंडे पोस्टवर जनजागृती रॅलीतून ‘पोलिस दडळोरा विंडो’ मोहिमेचा सकारात्मक परिणाम दिसून आला

गडचिरोली विशेष प्रतिनिधी दिनांक :-06/06/2025.                             दुर्गम नक्षलग्रस्त भाग म्हणून ओळखल्या जाणाऱ्या गडचिरोली जिल्ह्यात आता सकारात्मक बदलाची हवा जाणवू लागली आहे. गडचिरोली पोलिस दलाच्या ‘पोलिस दडळोरा विंडो’ या विशेष उपक्रमाअंतर्गत कवंडे येथील पोलिस ठाणे व पोस्टवर एक भव्य जनजागृती रॅलीचे आयोजन करण्यात आले. या रॅलीत गावकऱ्यांचा उत्स्फूर्त सहभाग लाभला असून, प्रशासनावरील विश्वास आणि विकासाविषयीची सकारात्मक दृष्टी याचे प्रत्यंतर या उपक्रमातून मिळाले.

या दौऱ्यात पोलिस विभागाच्या वरिष्ठ अधिकाऱ्यांनी कवंडे पोलिस स्टेशन व चौकीची पाहणी केली. यावेळी त्यांनी गावातील नागरिकांशी थेट संवाद साधला. ग्रामस्थांशी साधलेल्या या सुसंवादात नागरिकांनी आता आपल्याला प्रशासनाची मदत वाटते, पोलिसांशी संबंध पूर्वीपेक्षा अधिक विश्वासाचे झाले आहेत आणि विकासाकडे वाटचाल सुरू झाली आहे, असे स्पष्टपणे सांगितले.

पोलिस दलाचे अधिवक्ता अशिष जयस्वाल यांनी सांगितले की, “नव्या गडचिरोलीकडे वाटचाल सुरू असून सामान्य नागरिक आता शासनाच्या योजनांमध्ये सक्रिय सहभाग घेऊ लागले आहेत. गावकऱ्यांमध्ये भीतीऐवजी आता आशा आणि विश्वास दिसून येतो, हे मोठे यश आहे.”

या रॅलीमध्ये सहभागी झालेल्या जवानांनाही स्थानिक नागरिकांनी प्रचंड सन्मान दिला. गावकऱ्यांशी तसेच सुरक्षा दलाशी थेट संवाद साधून त्यांचे मनोबल उंचावण्याचा हा प्रयत्न होता. या संवादातून अनेक सकारात्मक सूचनाही समोर आल्या, ज्या भविष्यातील सुरक्षाव्यवस्था अधिक मजबूत करण्यासाठी उपयुक्त ठरणार आहेत.

दरम्यान, या रॅलीचे विशेष आकर्षण म्हणजे, गडचिरोली जिल्ह्यातील नक्षलग्रस्त आणि आधी अत्यंत असुरक्षित समजल्या जाणाऱ्या कवंडे परिसरात प्रथमच एवढ्या मोठ्या प्रमाणात जनतेचा उत्स्फूर्त सहभाग आणि प्रशासनाचा थेट संपर्क घडवून आणण्यात आला. यामुळे येथील नागरिकांमध्ये एक नवचैतन्य संचारले आहे.

      मुख्यमंत्री देवेंद्र फडणवीस यांचा या भागातील दौरा देखील ऐतिहासिक ठरला आहे. नक्षलप्रभावित भागात प्रत्यक्ष येऊन स्थानिकांशी संवाद साधणारे ते पहिलेच मुख्यमंत्री ठरले आहेत. त्यांच्या उपस्थितीमुळे प्रशासन, पोलीस दल आणि स्थानिक नागरिकांमध्ये नवीन उर्जा आणि आत्मविश्वास निर्माण झाला आहे.

गडचिरोलीत आता बंदुकीच्या आवाजाऐवजी मुलांच्या शाळेतील गजर, रस्त्यांवरील वाहनांची हालचाल आणि ग्रामसभांतील विकास चर्चांचा आवाज अधिक घुमत आहे. कधी काळी अंधारात गुदमरलेल्या कवंडे परिसरात आता प्रकाशाची किरणं पोहोचत आहेत, हेच नव्या गडचिरोलीचे संकेत आहेत.

        शिस्त, सुरक्षितता आणि विकास हाच आता गडचिरोलीचा नवा चेहरा बनत आहे. ‘नक्षलमुक्त भारत’ाच्या दिशेने ही ठाम पावले असून, त्यात शासन, पोलीस दल आणि जनतेचा सहभाग हीच खरी किल्ली ठरत आहे.

—

#Gadchiroli #PoliceDadaloraWindow #DevendraFadnavis #NewGadchiroli #NaxalFreeBhar