सिरोंचा विशेष प्रतिनिधी दिनांक:-16/09/2025
महाराष्ट्र शासनाचा सार्वजनिक बांधकाम विभाग (पीडब्ल्यूडी) यांनी राज्यातील पायाभूत सुविधांच्या दर्जाविषयी सर्वसामान्य नागरिकांचा थेट अभिप्राय मिळावा यासाठी “महाराष्ट्र राज्य ठिणगण २०१७” या महत्त्वपूर्ण उपक्रमांतर्गत विशेष नागरिक सर्वेक्षण हाती घेतले आहे. या उपक्रमामध्ये रस्त्यांची स्थिती, जोडणी, कोव्हिड काळातील सुविधा व अनुभव याबाबत लोकांनी थेट माहिती द्यावी असे आवाहन करण्यात आले आहे.
या सर्वेक्षणातून मिळालेला अभिप्राय शासनाच्या आराखड्याला दिशा देणार असून, रस्त्यांची गुणवत्तावाढ, कोव्हिड काळातील आरोग्य सुविधा आणि भविष्यातील गरजेनुसार नव्या उपाययोजना आखण्यास महत्त्वपूर्ण ठरणार आहे. जिल्ह्यातील नागरिकांना रस्त्यांच्या सोयी-सुविधा, खराब कामकाज किंवा अपूर्ण प्रकल्पाबाबत थेट मत व्यक्त करण्याची संधी या उपक्रमातून मिळत आहे.
पीडब्ल्यूडी विभागाने मराठी आणि इंग्रजी अशा दोन्ही भाषांमध्ये स्वतंत्र फॉर्म तयार केले आहेत. नागरिकांनी हे फॉर्म भरून आपला प्रामाणिक अभिप्राय नोंदवावा, असे आवाहन जिल्हा प्रशासनाने केले आहे.
फॉर्म भरण्यासाठी लिंक :
मराठी फॉर्म लिंक : येथे क्लिक कराhttps://docs.google.com/forms/d/e/1FAIpQLScLU1eVFzhbtt2R0cjNZoHujBV2hQLB8d6avcFYRs42LO3a8A/viewform
इंग्रजी फॉर्म लिंक : येथे क्लिक करा https://docs.google.com/forms/d/e/1FAIpQLScbozNRiyWXXYQ4BgC4x3iC8N5tDRIeSd9PWCJuTapYKZUjxA/viewform
जनतेला आवाहन
सर्वेक्षणामध्ये सहभाग घेतल्यामुळे रस्त्यांची गुणवत्ता सुधारण्यासाठी आणि भविष्यातील सुविधा नियोजनासाठी प्रशासनाला थेट मदत होणार आहे. त्यामुळे प्रत्येक नागरिकाने या उपक्रमात सक्रीय सहभाग नोंदवून शासनाला आपला आवाज पोहोचवावा, असे आवाहन सार्वजनिक बांधकाम विभागाने केले आहे.
—
About the Author
