विकसित गडचिरोली’च्या दिशेने सिरोंचा तालुका — मुख्यमंत्री फडणवीस यांच्या हस्ते ‘रुबी हॉस्पिटल अँड वेलनेस प्रा. लि.’ प्रकल्पाची पायाभरणी
मुख्यमंत्री देवेंद्र फडणवीस यांच्या हस्ते ‘रुबी हॉस्पिटल अँड वेलनेस प्रा. लि.’ च्या हॉस्पिटल, मेडिकल कॉलेज आणि एज्युकेशनल कॅम्पसचे भूमिपूजन संपन्न
— विदर्भ न्यूज 24, सिरोंचा ✍️ संदीप राचर्लावार दिनांक: 08नोव्हेंबर 2025
गडचिरोली जिल्ह्यातील सीमाभाग सिरोंचा येथे आज एक ऐतिहासिक क्षण घडला. महाराष्ट्राचे मुख्यमंत्री देवेंद्र फडणवीस यांच्या शुभहस्ते ‘रुबी हॉस्पिटल अँड वेलनेस प्रायव्हेट लिमिटेड’ या बहुप्रतीक्षित प्रकल्पाच्या हॉस्पिटल, मेडिकल कॉलेज आणि एज्युकेशनल कॅम्पसच्या पायाभरणी व कोनशिला अनावरणाचा समारंभ पार पडला.
हा उपक्रम फडणवीस यांच्या “विकसित गडचिरोली” या संकल्पनेला मूर्त रूप देणारा ठरत आहे. उद्योग, शिक्षण आणि आरोग्य क्षेत्राचा संगम घडवून आणणारा हा प्रकल्प म्हणजे सिरोंचा तालुक्याच्या विकासाचा नवा अध्याय आहे.
औद्योगिकीकरणासोबत पर्यावरणाचा समतोल
कार्यक्रमादरम्यान मुख्यमंत्री फडणवीस यांनी सांगितले की,
-
> “औद्योगिकीकरणानंतरही वृक्ष वाढू शकतात, तिथली हिवराई वाढू शकते, आणि त्या भागात जैवविविधतेचा विकास (biodiversity)ही शक्य आहे. विकास म्हणजे केवळ कारखाने नव्हे, तर निसर्ग आणि प्रगती यांचा संतुलित संगम आहे.”
त्यांच्या या वक्तव्यातून सीमाभागातील विकास मॉडेलसाठी पर्यावरणपूरक धोरणाची झलक दिसली. त्यांनी स्पष्ट केले की, सिरोंचात उभारला जाणारा हा प्रकल्प केवळ आरोग्य आणि शिक्षणापुरता मर्यादित नसून, टिकाऊ विकासाचा आदर्श ठरेल.
—‘रुबी हॉस्पिटल अँड वेलनेस प्रा.लि.’ —सीमाभागातील आरोग्य क्रांती
या प्रकल्पांतर्गत उभारण्यात येणारे 300 खाटांचे अत्याधुनिक हॉस्पिटल, मेडिकल कॉलेज, नर्सिंग कॉलेज, तसेच वेलनेस सेंटर या सर्व सुविधा एका कॅम्पसमध्ये असतील.
सिरोंचात पुण्यातील रुबी हॉस्पिटलच्या तोडीस तोड सुविधा उपलब्ध करून देण्याचे उद्दिष्ट आहे.
राज्य आणि केंद्र सरकारच्या सर्व आरोग्य योजनांच्या माध्यमातून रुग्णांना उपचार मिळणार असून, सीमाभागातील नागरिकांना नागपूर किंवा हैद्राबादपर्यंत जावे लागणार नाही.
या हॉस्पिटलमुळे दक्षिण गडचिरोली, तेलंगणा आणि छत्तीसगड सीमाभागातील हजारो लोकांना थेट लाभ होणार आहे.
–
– शिक्षण आणि संधींचा केंद्रबिंदू
या प्रकल्पात अभियांत्रिकी, वैद्यकीय आणि व्यावसायिक अभ्यासक्रमांसह आदिवासी विद्यार्थ्यांसाठी ७५ टक्के जागा राखीव ठेवण्यात आल्या आहेत.
स्पर्धा परीक्षांसाठी मोफत मार्गदर्शन, आधुनिक ग्रंथालय आणि वस्तीगृह व्यवस्था उपलब्ध होणार आहे.
सिरोंचाच्या युवकांसाठी हा प्रकल्प म्हणजे “घरबसल्या प्रगतीचे दार” ठरणार आहे.
–️ ‘विकसित गडचिरोली’चा पाया सिरोंचात
मुख्यमंत्री फडणवीस यांनी आपल्या भाषणात सांगितले की —
> “सिरोंचा हा महाराष्ट्राचा सीमाभाग असला तरी तो आता विकासाचा सीमोल्लंघन करणारा भाग बनत आहे. ‘विकसित गडचिरोली’ ही केवळ घोषणा नाही, तर ती आजच्या या भूमिपूजनाने प्रत्यक्ष साकार होते आहे.”
त्यांनी पुढे सांगितले की, औद्योगिक प्रकल्प, आरोग्य सेवा, शिक्षण संस्था आणि तंत्रज्ञान प्रशिक्षण या सर्व घटकांचा संगम म्हणजे ग्रामीण विकासाचे खरे चित्र आहे. सिरोंचात हा प्रयोग यशस्वी ठरल्यास तो “ग्रामीण परिवर्तनाचा राष्ट्रीय मॉडेल” ठरेल.
–✨ सिरोंचात उत्सवाचे वातावरण
मुख्यमंत्र्यांच्या आगमनानिमित्त सिरोंचा शहर आज उत्साहाने उजळले. संपूर्ण परिसरात रोषणाई, फुलांची सजावट आणि “जय विकास सिरोंचा” अशा घोषणांनी वातावरण भारलेले होते.
महसूल, पोलीस आणि सार्वजनिक बांधकाम विभागाचे अधिकारी पूर्ण तयारीत होते.स्थानिक नागरिक, व्यापारी, शेतकरी, विद्यार्थी आणि महिलावर्गाने मोठ्या संख्येने सहभाग नोंदवत या ऐतिहासिक क्षणाचे साक्षीदार झाले.
–️ सिरोंचाचा बदलता चेहरा
गोदावरी पुलाच्या उद्घाटनानंतर सुरू झालेला सिरोंचाच्या विकासाचा प्रवास आज नव्या टप्प्यावर पोहोचला आहे. पुलाने या सीमाभागाला जगाशी जोडले, आणि आता ‘रुबी हॉस्पिटल अँड वेलनेस प्रा. लि.’ चा प्रकल्प त्याला शिक्षण–आरोग्य आणि औद्योगिक प्रगतीची नवी ओळख देणार आहे.
फडणवीस यांच्या नेतृत्वाखाली सीमाभागातील जनतेच्या आशा-आकांक्षा पुन्हा जागृत झाल्या आहेत.सिरोंचाचा कायापालट आता केवळ स्वप्न नाही — तो प्रत्यक्ष वास्तवात उतरत आहे.
प्रमुख मान्यवरांची उपस्थिती
या सोहळ्यावेळी मंचावर गडचिरोली जिल्ह्याचे सह पालकमंत्री आशिष जयस्वाल, रुबी हॉस्पिटलचे संचालक राणा सूर्यवंशी, डायरेक्टर परवेज ग्लान्ट, गडचिरोली विभागीय आयुक्त विजयलक्ष्मी बेद्री , आ. मिलिंद नरोटे, नांदेडचे आमदार,डी.एस.पी. संदीप पाटील जिल्हाधिकारी अविश्यांत पंडा*, तसेच जिल्हा पोलिस अधीक्षक नीलोत्पल हे मान्यवर उपस्थित होते.संपूर्ण कार्यक्रम अत्यंत उत्साहात आणि नियोजनबद्ध रितीने पार पडला.
–— काटेकोर सुरक्षा व्यवस्था
मुख्यमंत्री यांच्या आगमनानिमित्त काटेकोर बंदोबस्ताची व्यवस्था सिरोंच्याचे उपविभागीय पोलिस अधिकारी श्री. संदेश नाईक यांच्या मार्गदर्शनाखाली करण्यात आली होती. पोलिस व प्रशासन यंत्रणेने सुरक्षेची सर्व तयारी उत्तमरीत्या पार पाडली.
—-विकास आणि पर्यावरण यांचा संतुलित मिलाफ
या प्रकल्पामुळे सिरोंचा आणि परिसरातील विद्यार्थ्यांना अत्याधुनिक वैद्यकीय शिक्षणाची संधी मिळणार असून, स्थानिकांना रोजगाराच्या नव्या दारांची उघडकी होणार आहे. ग्रामीण व आदिवासी भागातील नागरिकांना सुलभ आरोग्यसेवा उपलब्ध होणार आहे. मुख्यमंत्री फडणवीस यांच्या उपस्थितीमुळे या प्रकल्पाने विकासाची नवी उंची गाठल्याचे स्थानिक नागरिकांनी सांगितले.
