अहेरी विशेष प्रतिनिधी दिनांक 26 फेब्रुवारी 2026
गडचिरोली जिल्ह्यातील Ahiri तालुक्याच्या पूर्वेला सुमारे ६.२ किलोमीटर अंतरावर मध्यरात्री भूकंपसदृश हादरे जाणवल्याची माहिती समोर आली आहे. गुरुवार, २६ फेब्रुवारी २०२६ रोजी रात्री सुमारे १२.०० वाजण्याच्या सुमारास (GMT +5:30) हा हादरा जाणवल्याचे नागरिकांकडून सांगण्यात येत आहे.
या घटनेबाबत आंतरराष्ट्रीय स्तरावरील भूकंप निरीक्षण संकेतस्थळ Volcano Discovery वर ‘Unconfirmed seismic-like event’ अशी नोंद करण्यात आली आहे. मात्र, अद्याप कोणत्याही अधिकृत भूकंपशास्त्रीय संस्थेकडून या घटनेला दुजोरा देण्यात आलेला नाही.
नागरिकांना जाणवले कंपन
अहेरी शहरासह आजूबाजूच्या काही गावांमध्ये झोपेत असताना पलंग हलल्यासारखे वाटणे, भिंतींना सूक्ष्म कंपन जाणवणे, भांडी हलल्याचा आवाज येणे अशा प्रतिक्रिया काही नागरिकांनी व्यक्त केल्या आहेत. काही ठिकाणी नागरिक घाबरून घराबाहेर आले असल्याचेही समोर आले आहे. सुदैवाने, आतापर्यंत कोणतीही जीवित किंवा वित्तहानी झाल्याची माहिती नाही.
खोली व तीव्रता अद्याप अज्ञात
या संभाव्य भूकंपाची तीव्रता (Magnitude) व खोली (Depth) याबाबत अद्याप कोणतीही अधिकृत माहिती उपलब्ध झालेली नाही. सदर घटना ‘felt report’ स्वरूपात नोंदविण्यात आली असून, अधिकृत सेन्सर डेटाची प्रतीक्षा आहे.
गडचिरोली भूकंपप्रवण क्षेत्रात नाही
तज्ज्ञांच्या मते, Gadchiroli जिल्हा उच्च भूकंपप्रवण क्षेत्रात मोडत नाही. त्यामुळे मोठ्या तीव्रतेचा भूकंप होण्याची शक्यता कमी मानली जाते. मात्र, स्थानिक पातळीवर होणारे सूक्ष्म हादरे किंवा नैसर्गिक भूगर्भीय हालचालींमुळे असे कंपन जाणवू शकतात.
प्रशासन अलर्ट, पण घाबरू नका
जिल्हा प्रशासन व आपत्ती व्यवस्थापन यंत्रणा परिस्थितीवर लक्ष ठेवून आहेत. नागरिकांनी अफवा पसरवू नयेत, सोशल मीडियावरील अप्रमाणित संदेशांवर विश्वास ठेवू नये, असे आवाहन करण्यात येत आहे.
अधिकृत माहितीसाठी प्रतीक्षा
भारतीय भूकंपशास्त्र विभाग व राष्ट्रीय भूकंपशास्त्रीय केंद्राकडून अधिकृत माहिती मिळाल्यानंतरच या घटनेबाबत अंतिम निष्कर्ष स्पष्ट होईल. तोपर्यंत ही घटना ‘संभाव्य भूकंप’ (Unconfirmed Event) म्हणूनच नोंदवली जात आहे.
👉 विदर्भ न्यूज 24 या घटनेवर सतत लक्ष ठेवून असून, अधिकृत अपडेट मिळताच वाचकांना तत्काळ माहिती देण्यात येईल.
About the Author
