गडचिरोली विशेष प्रतिनिधी दिनांक 20 फेब्रुवारी 2026
गडचिरोली शहरात ‘शिवजन्मोत्सव’ सोहळा मोठ्या उत्साहात आणि भक्तीभावाने साजरा करण्यात आला. स्थानिक जय छत्रपती शिवाजी महाराज ग्रुप, नेहरू वार्ड, गडचिरोली यांच्या वतीने आयोजित या कार्यक्रमामुळे परिसरात दिवसभर शिवमय वातावरण निर्माण झाले होते.
या सोहळ्यास अहेरी इस्टेटचे राजे तथा माजी राज्यमंत्री राजे अम्ब्रीशराव महाराज यांची विशेष उपस्थिती लाभली. त्यांच्या हस्ते छत्रपती शिवाजी महाराज यांच्या पुतळ्यास पुष्पहार अर्पण करून अभिवादन करण्यात आले. शिवभक्तांच्या जयघोषाने संपूर्ण परिसर दणाणून गेला.
मार्गदर्शन करताना राजे साहेब म्हणाले की, छत्रपती शिवाजी महाराजांनी शौर्य, धैर्य, कुशल प्रशासन आणि दूरदृष्टीच्या बळावर स्वराज्य उभे केले. त्यांच्या कार्यामुळे भारतीय इतिहासात स्वातंत्र्य, स्वाभिमान आणि न्याय यांचे अमूल्य प्रतीक निर्माण झाले. आजही त्यांचे नेतृत्व आदर्श मानले जाते. आजच्या युवा पिढीने महाराजांच्या विचारांपासून प्रेरणा घ्यावी, असे आवाहन त्यांनी केले.
कार्यक्रमात विविध सांस्कृतिक उपक्रमांचे आयोजन करण्यात आले होते. देशभक्तीपर गीते, शिवचरित्रावर आधारित भाषणे आणि प्रेरणादायी सादरीकरणांनी उपस्थितांची मने जिंकली. शिवप्रेम आणि राष्ट्रभावना यांचा संगम अनुभवायला मिळाला.
या वेळी प्रमुख पाहुणे म्हणून नगराध्यक्षा प्रणितीताई निंबोरकर, युवा नेते कुमार अवधेशरावबाबा आत्राम, माजी जिल्हा अध्यक्ष भाजप प्रशांतजी वाघरे, माजी आमदार नामदेवजी उसेंडी, नगरपरिषद सभापती मुक्तेश्वर काटवे, सागर निंबोरकर, नगरसेविका गुड्डीताई मारबते, नंदू कयारकर, शहर उपाध्यक्ष सोमेश्वर धकाते, मधुर हेमके यांच्यासह मोठ्या संख्येने स्थानिक नागरिक उपस्थित होते.
एकूणच, गडचिरोलीतील हा शिवजन्मोत्सव सोहळा भक्ती, संस्कृती आणि प्रेरणेचा संगम ठरला. शिवरायांच्या विचारांचा जागर करत ‘रयतेच्या राजाचा’ गौरव करणारा हा कार्यक्रम शहरासाठी अभिमानास्पद ठरला.
— विदर्भ न्यूज 24
About the Author
