दुर्गमतेवर मात; लोकशक्तीचा विजय! पातागुडम–सिरोंचा बससेवा अखेर सुरू…

आज पातागुडमपर्यंत बस पोहोचली आहे, उद्या विकासही पोहोचेल—हा विश्वास या बससोबत गावात दाखल झाला आहे. दुर्गमतेवर मात करत पुढे जाण्याचा हा प्रवास, पातागुडमच्या इतिहासात सुवर्णाक्षरांनी नोंदवला जाईल.

विशेष म्हणजे, यापूर्वीही पातागुडम पोलीस प्रशासनाने दुर्गम भागात जनतेच्या सुरक्षेसह सामाजिक प्रश्नांवर नेहमीच उल्लेखनीय कामगिरी बजावली आहे. त्याच कार्याची ही पुढची कडी ठरत असून, बससेवा सुरू करून पोलिसांनी पुन्हा एकदा ‘वर्दी म्हणजे फक्त कायदा नाही, तर विकासाचाही आधार’ हे सिद्ध केले आहे. या लोकाभिमुख भूमिकेची सर्वत्र प्रशंसा होत आहे.