मुंबई विशेष प्रतिनिधी दिनांक 11 मार्च 2026
गडचिरोलीसारख्या नक्षलग्रस्त आणि अतिदुर्गम जिल्ह्यात कायदा व सुव्यवस्था राखणे हे कोणत्याही पोलीस अधिकाऱ्यासाठी मोठे आव्हान असते. मात्र गडचिरोलीचे पोलीस अधीक्षक नीलोत्पल यांनी आपल्या धाडसी नेतृत्व, प्रभावी रणनीती आणि जनतेशी थेट संवादाच्या बळावर हे आव्हान केवळ स्वीकारलेच नाही, तर त्यात उल्लेखनीय यशही मिळवले आहे. त्यांच्या कार्याची दखल राज्यासह राष्ट्रीय स्तरावर घेतली जात असून, विविध पुरस्कारांनी त्यांच्या कार्याला मान्यता मिळत आहे.
गडचिरोली जिल्ह्याचा पदभार स्वीकारल्यानंतर नीलोत्पल यांनी नक्षलवादाविरुद्ध व्यापक रणनीती आखली. सुरक्षा यंत्रणा मजबूत करताना त्यांनी स्थानिक नागरिकांशी संवाद वाढवण्यावरही विशेष भर दिला. गावोगावी भेटी, युवकांशी चर्चा, आदिवासी समाजाशी विश्वासाचे नाते निर्माण करणे आणि विकास प्रक्रियेत पोलिसांचा सहभाग वाढवणे यामुळे जिल्ह्यातील वातावरणात सकारात्मक बदल दिसू लागला.
त्यांच्या नेतृत्वाखाली पोलिस दलाने अनेक यशस्वी नक्षलविरोधी कारवाया केल्या. तसेच अवैध धंद्यांवर कठोर कारवाई करून कायदा व सुव्यवस्था अधिक मजबूत केली. या सर्व प्रयत्नांमुळे गडचिरोली जिल्हा नक्षलमुक्त करण्याच्या दिशेने महत्त्वाची पावले उचलली गेली आहेत.
नीलोत्पल यांच्या कार्याची दखल विविध प्रतिष्ठित संस्थांनी घेतली आहे. मुंबईत झालेल्या कार्यक्रमात केंद्रीय मंत्री Nitin Gadkari यांच्या हस्ते त्यांना ‘तरुण तेजांकित २०२४’ हा सन्मान प्रदान करण्यात आला. तसेच नक्षलविरोधी कार्यासाठी स्पेशल सर्व्हिस मेडल साठी त्यांची निवड झाली आहे. दिल्ली येथे FICCI Smart Policing Award देखील त्यांच्या ‘प्रोजेक्ट उडान’ उपक्रमासाठी देण्यात आला आहे, ज्यामुळे युवकांना मुख्य प्रवाहात आणण्याचे महत्त्वाचे काम झाले.
दरम्यान, लोकमत समूहाच्या प्रतिष्ठित ‘महाराष्ट्रीयन ऑफ द इयर’ स्पर्धेत “Most Promising IPS of the Year 2026” या श्रेणीत नीलोत्पल यांची निवड झाल्याची बातमी समोर येताच गडचिरोली जिल्ह्यात अभिमानाची भावना निर्माण झाली आहे. नक्षलविरोधी कारवाया, जनतेशी जिव्हाळ्याचा संवाद आणि विकासाभिमुख पोलिसिंग या तिन्ही बाबींमध्ये त्यांनी केलेले काम या निवडीमागील मुख्य कारण मानले जात आहे.
१o मार्च २०२६ रोजी मुंबई येथे झालेल्या एका कार्यक्रमात त्यांचे अभिनंदन करण्यात आले. यावेळी महाराष्ट्राचे उपमुख्यमंत्री Eknath Shinde हेही प्रमुख उपस्थित होते. कार्यक्रमात टाळ्यांच्या गजरात नीलोत्पल यांचे मंचावर स्वागत करण्यात आले आणि त्यांच्या कार्याचा गौरव करण्यात आला. यावेळी लोकमत संघाचे विजय दर्डा उपस्थित होते
गडचिरोलीसारख्या संवेदनशील जिल्ह्यात काम करताना धैर्य, संयम आणि लोकांशी विश्वासाचे नाते निर्माण करण्याची क्षमता अत्यंत महत्त्वाची असते. नीलोत्पल यांनी या तिन्ही गुणांचा उत्कृष्ट संगम साधत पोलिस दलाचे नेतृत्व केले आहे. त्यामुळेच आज त्यांच्या कार्याची चर्चा केवळ जिल्ह्यातच नव्हे तर राज्यभर होत आहे.
गडचिरोलीच्या इतिहासात शांतता, विकास आणि विश्वासाचे नवे पर्व सुरू करण्यासाठी ज्यांनी निर्णायक पावले उचलली, त्या एसपी नीलोत्पल यांच्या कार्याचा हा गौरव केवळ त्यांचा वैयक्तिक सन्मान नसून संपूर्ण जिल्ह्याच्या अभिमानाचा क्षण ठरत आहे.
00000000000000
About the Author
